മനസ്സിൽ വല്ലാതെ അങ്ങ് ആഴത്തിൽ പതിഞ്ഞു പോയ രംഗം ആണ് ഇത്

കുഞ്ചാക്കോ ബോബൻ നായകനായി എത്തിയ ചിത്രം ആണ് കസ്തൂരിമാൻ. ചിത്രത്തിൽ മീര ജാസ്മിൻ ആയിരുന്നു നായികയായി എത്തിയത്. പ്രേക്ഷകർക്ക് ഇഷ്ട്ടമുള്ള കുഞ്ചാക്കോ ബോബൻ ചിത്രത്തിൽ മുൻ പന്തിയിൽ തന്നെ ആണ് ഇന്നും ചിത്രത്തിന്റെ സ്ഥാനം. ചിത്രത്തിനെ പോലെ തന്നെ ചിത്രത്തിലെ ഗാനങ്ങളും ഏറെ ഹിറ്റ് ആയിരുന്നു. അത് കൊണ്ട് തന്നെ ഇന്നും പ്രേഷകരുടെ ഇടയിൽ വലിയ സ്വീകാര്യത ആണ് ചിത്രത്തിന് ലഭിച്ച് കൊണ്ടിരിക്കുന്നത്.

ഇപ്പോഴിതാ ചിത്രത്തിനെ കുറിച്ച് ആരാധകരുടെ ഗ്രൂപ്പിൽ വന്ന ഒരു പോസ്റ്റ് ആണ് പ്രേഷകരുടെ ശ്രദ്ധ നേടിയിരിക്കുന്നത്. രാഗീത്ത് ആർ ബാലൻ ആണ് പോസ്റ്റ് പങ്കുവെച്ചിരിക്കുന്നത്. പോസ്റ്റിൽ പറയുന്നത് ഇങ്ങനെ, കുഞ്ചാക്കോ ബോബന്റെ സിനിമകളിൽ ഏറ്റവും പ്രിയപ്പെട്ട ഒന്നാണ് കസ്തുരിമാൻ. സിനിമയിൽ ഒരു രംഗമുണ്ട് കോളേജിലെ ഒരു രംഗം..മീര ജാസ്മിന്റെ കഥാപാത്രമായ പ്രിയംവത കുഞ്ചാക്കോ ബോബന്റെ സാജൻ ജോസഫിന്റെ ചോറും പാത്രം തുറന്നു നോക്കാൻ ശ്രമിക്കുന്ന രംഗം.

സിനിമ ഇറങ്ങിയ കാലത്തു ഞാൻ എന്ന പത്തു വയസ്സുകാരന്റെ മനസ്സിൽ ആഴത്തിൽ പതിഞ്ഞു പോയ രംഗം. കോളേജിൽ ഒരു ഉച്ച സമയം എല്ലാവരും കൂട്ടം കൂടി ഇരുന്നു ഭക്ഷണം പങ്കിട്ടു കഴിക്കുമ്പോൾ സാജൻ മാത്രം ഒറ്റയ്ക്ക് മാറി ഇരുന്നു ഭക്ഷണം കഴിക്കുന്നു.. ഇതു കാണുന്ന പ്രിയംവത അതിനു കാരണം അന്വേഷിച്ചു സാജന് അടുത്ത് ചെല്ലുന്നു.. ഇവർ വരുന്നത് കണ്ടിട്ട് സാജൻ പാത്രം അടച്ചു വെക്കുന്നു. എന്നാൽ പ്രിയ അത് തുറക്കാൻ ശ്രമിക്കുകയും പാത്രം തുറന്നു ഭക്ഷണം പുറത്തു പോകുകയും ചെയ്യുന്നു.

താഴെ വീണ ഭക്ഷണം പാത്രത്തിൽ തിരിച്ചു വാരി എടുത്ത് ഇട്ടതിനു ശേഷം സാജൻ അവിടെ കൂടി നിന്ന എല്ലാവരോടും ആയി പറയും “ദാ കണ്ടോ ബ്രെഡും കടല കറിയും ആണ്. അതും ഇന്നലത്തെ. സാജൻ ജോസഫ് ആലൂക്കായിക്ക് ഇതെങ്കിലും എന്നും ഉണ്ടായാൽ മതി എന്ന ഇപ്പൊ “. ഇതുപോലെ ഉള്ള സാജന്മാർ എല്ലാം എല്ലാ കാലത്തും ഉണ്ട്. പല രൂപത്തിൽ പല ഭാവത്തിൽ. പണ്ടൊക്കെ ഞാൻ സ്കൂളിൽ പോകുമ്പോൾ ഒരു അച്ചാറും പച്ച ചോറും മാത്രമായിരിക്കും ഉണ്ടാകുക കഴിക്കാൻ.

അന്നൊക്കെ കൂട്ടുകാർക്കിടയിൽ ഇടയിൽ ഇരുന്നു ഭക്ഷണം കഴിക്കാൻ ഭയങ്കര മടി ആയിരുന്നു. അതിലുപരി വിഷമവും. അങ്ങനെ ഉള്ള കാലത്തു കണ്ടതാണ് ഈ സിനിമ. മനസ്സിൽ വല്ലാതെ അങ്ങ് ആഴത്തിൽ പതിഞ്ഞു പോയി. പട്ടിണിയും വിശപ്പും എന്ത്‌ എന്നറിഞ്ഞവന് ഇതു കേവലം ഒരു സിനിമയിലെ രംഗം അല്ല അത് അവന്റെ ജീവിതത്തിന്റെ ഒരു പകർപ്പ് ആണ്. എന്നും ഓർമിക്കപെടുന്ന ഒരു വേദന എന്നുമാണ് ചിത്രത്തിനെ കുറിച്ച് പങ്കുവെച്ച പോസ്റ്റ്.

Leave a Comment