നിരവധി ആരാധകരുള്ള താരമാണ് ഉർവശി. വർഷങ്ങൾ കൊണ്ട് അഭിനയത്തിൽ സജീവമായി നിൽക്കുന്ന താരം നിരവധി ചിത്രങ്ങളിൽ ആണ് ഇതിനോടകം അഭിനയിച്ചിരിക്കുന്നത്. ഇരുന്നൂറിൽ ഏറെ ചിത്രങ്ങളിൽ മികച്ച വേഷങ്ങളിൽ എത്തിയ താരം ഇന്നും പ്രേഷകരുടെ ഇഷ്ട്ട നായികയായി തിളങ്ങുകയാണ്. നടൻ മനോജ് കെ ജയനെയാണ് താരം ആദ്യം വിവാഹം കഴിക്കുന്നത്.
ഈ വിവാഹത്തിൽ ഒരു മകളും ഇവർക്ക് ഉണ്ട്. എന്നാൽ ഈ വിവാഹ ബന്ധം അധികനാൾ നീണ്ടു നിന്നില്ല. ആരാധകരെ ഞെട്ടിച്ചുകൊണ്ടാണ് ഇരുവരും വേർപിരിയുന്ന വാർത്ത പുറത്ത് വന്നത്. ഇരുവരും വിവാഹമോചിതർ ആയതിനു ശേഷം ഉർവശി വീണ്ടും സിനിമയിലേക്ക് തിരിച്ച് വരുകയും ചെയ്തിരുന്നു. എന്നാൽ വിവാഹ മോചന കേസ് നടക്കുന്ന സമയത്ത് മകൾ കുഞ്ഞാറ്റ മനോജ് കെ ജയന് ഒപ്പമായിരുന്നു.
തനിക്ക് അച്ഛനൊപ്പം കഴിഞ്ഞാൽ മതിയെന്നുള്ള കുഞ്ഞാറ്റയുടെ തീരുമാനത്തിന് പുറത്ത് കോടതി മനോജിനൊപ്പം കുഞ്ഞാറ്റയെ വിട്ടയക്കുകയായിരുന്നു. എന്നാൽ ആ സമയത്ത് ഉർവശി മാധ്യമങ്ങളോട് പ്രതികരിച്ച കാര്യങ്ങൾ ആണ് ഇപ്പോൾ വീണ്ടും പ്രേഷകരുടെ ഇടയിൽ ശ്രദ്ധ നേടുന്നത്. അന്ന് ഉർവശി പറഞ്ഞത് ഇങ്ങനെ, കുഞ്ഞാറ്റയുടെ പ്രായം കഴിഞ്ഞാണ് ഞാനും വളർന്നു വന്നത്.
അച്ഛനെയും അമ്മയെയും കുറിച്ച് മറ്റുള്ളവർ നല്ലത് മാത്രം പറയണമെന്നാണ് ആണ് ഈ പ്രായത്തിൽ ഉള്ള എല്ലാ കുട്ടികളും ആഗ്രഹിക്കുന്നത്. എന്നാൽ കുഞ്ഞാറ്റയെ മാധ്യമങ്ങളുടെ മുന്നിലേക്ക് ഇട്ടു കൊടുക്കാൻ ഞാൻ ആഗ്രഹിക്കുന്നില്ല. എന്റെ ഒപ്പം കിടന്നുറങ്ങിയ കുഞ്ഞിനെ ആണ് അവർ പെട്ടന്ന് ഒരു ദിവസം പറിച്ച് മാറ്റിയത്. കുഞ്ഞാറ്റയെ അവർ ഹോസ്റ്റലിലേക്ക് മാറ്റി.
ഒരു വർഷത്തിൽ ഏറെയായി ഞാൻ എന്റെ കുഞ്ഞിനെ കണ്ടിട്ട്. എന്റെ വീട്ടിൽ ഉള്ളവരും കുഞ്ഞിനെ കണ്ടിട്ട് ഒരുപാട് ആയി. കോടതിയിൽ വെച്ച് മാത്രമാണ് ഞാൻ എന്റെ കുഞ്ഞിനെ കാണുന്നത്. ശരിക്കും പറഞ്ഞാൽ എന്താണ് സംഭവിക്കുന്നത് എന്ന് മനസ്സിലാക്കാനുള്ള പ്രായം പോലും അവൾക്ക് ഇല്ല എന്നുമാണ് അന്ന് ഉർവശി പറഞ്ഞത്. എന്നാൽ പിന്നീട് കുഞ്ഞാറ്റ അച്ഛനൊപ്പം മാത്രമല്ല, ഉർവശിയെ മനസ്സിലാക്കി അമ്മയ്ക്ക് ഒപ്പവും താമസിക്കാറുണ്ട്. ഇരുവരും ഒന്നിച്ചുള്ള ചിത്രങ്ങൾ എല്ലാം സോഷ്യൽ മീഡിയയിൽ ശ്രദ്ധ നേടാറുമുണ്ട്.
