വ്യത്യസ്ത പ്രേമേയവുമായി ആരംഭിക്കുന്ന ഫെസ്റ്റിവൽ ഫിലിം വള്ളി ചെരുപ്പ് ചിത്രീകരണം ഒക്ടോബർ ആദ്യ വാരം തിരുവനന്തപുരത്ത്. ശ്രീ മുരുക മൂവീസിന്റെ ബാനറിൽ, ശ്രീ ഭാരതി തിരക്കഥയും സംവിധാനവും നിർവഹിക്കുന്ന ഫെസ്റ്റിവൽ മൂവി വള്ളി ചെരുപ്പിന്റെ ചിത്രീകരണം പദ്മനാഭന്‍റെ മണ്ണില്‍ ഒക്ടോബർ ആദ്യ വാരത്തില്‍ ആരംഭിക്കും.
പ്രേക്ഷകരുടെ ഇഷ്ട്ട താരങ്ങളായ സാജൻ സൂര്യ, കൊച്ചു പ്രേമൻ, ദിവ്യ ശ്രീധർ, അനൂപ് ശിവസേനൻ, ബിജോയ് കണ്ണൂർ തുടങ്ങി വലിയ ഒരു താര നിര വള്ളി ചെരുപ്പില്‍ ഒരുക്കിയിട്ടുണ്ട് . പ്രശസ്ത താരം സുരഭി ലക്ഷ്മിക്ക് ദേശീയ അവാർഡ് നേടി കൊടുത്ത മിന്നാ മിനുങ്ങ്‌ എന്ന ചിത്രത്തിന്റെ ക്യാമറ മാൻ സുനിൽ പ്രേമാണ് വള്ളിച്ചെരുപ്പിന്റെയും ക്യാമറ നിര്‍വഹിക്കുന്നത് .
ചിത്രത്തിന്റെ കഥയും സംഗീത സംവിധാനവും ബിജോയ് കണ്ണൂർ, ഗാനം ആലപിച്ചിരിക്കുന്നത് ഫിൻ ബിജോയ്. ബിജോയ് കണ്ണൂരിന്റെ മകനായ ഫിൻ ബിജോയ് വള്ളിച്ചെരുപ്പിലെ കേന്ദ്ര കഥാപാത്രമായി വേഷമിടുന്നു. റീൽ എന്ന തമിഴ് സിനിമയ്ക്ക് ശേഷം ശ്രീ മുരുകയുടെ ബാനറിൽ സുരേഷ് സി എൻ നിർമ്മാണവും, സംഭാഷണം ദേവിക എൽ എസ് നിര്‍വഹിക്കുന്നു , പ്രൊഡക്ഷൻ കൺട്രോളർ പ്രസാദ്, എഡിറ്റർ സന്തോഷ് ശ്രീധർ, ഓർക്കസ്ട്രഷൻ ഇക്ബാൽ കണ്ണൂർ . പ്രേക്ഷകരുടെ ഇഷ്ട്ട സിനിമകളുടെ ലിസ്സ്റ്റില്‍ വള്ളി ചെരുപ്പും സ്ഥാനം പിടിക്കട്ടെ
