കഴിഞ്ഞ ദിവസമാണ് നടി സ്വാസിക വിവാഹിത ആയത്. നടൻ പ്രേം ആണ് സ്വാസികയെ വിവാഹം കഴിച്ചത്. എന്നാൽ വളരെ രഹസ്യമായാണ് താരത്തിന്റെ വിവാഹ ഒരുക്കങ്ങൾ എല്ലാം നടന്നത്. മീഡിയയോട് വിവാഹ ഡേറ്റ് പോലും തെറ്റിച്ചാണ് ഇവർ പറഞ്ഞത്. വിവാഹത്തിന് തങ്ങളുടെ പ്രൈവസി നിലനിർത്താൻ വേണ്ടിയാണ് താരങ്ങൾ ഇങ്ങനെ ചെയ്തത്.
വളരെ ആർഭാടമായി തന്നെയാണ് താരവിവാഹം നടന്നത്. എന്നാൽ ഇപ്പോൾ തങ്ങളുടെ പ്രണയത്തെ കുറിച്ചും കൂടി കാഴ്ചയെ കുറിച്ചും എല്ലാം മനസ്സ് തുറക്കുകയാണ് സ്വാസിക. സ്വാസിക പറഞ്ഞത് ഇങ്ങനെ, ഷൂട്ടിങ് ലൊക്കേഷനിൽ വെച്ചാണ് താനും പ്രേമും ആദ്യമായി കാണുന്നത്. പരിചയം പിന്നീട് പ്രണയമായി മാറുകയായിരുന്നു.
എന്നാൽ ഈ കാര്യം ഞാൻ വീട്ടിൽ പറഞ്ഞപ്പോൾ മമ്മി നോ പറഞ്ഞില്ല. കാരണം മമ്മിക്ക് പ്രേമിനെ അറിയാമായിരുന്നു. ഞങ്ങൾ രണ്ടു മതസ്ഥർ ആണെന്നും പ്രേം അന്യ മതസ്ഥൻ ആണെന്നുമൊക്കെയുള്ള ചിന്ത എന്റെ വീട്ടിൽ ഇല്ലായിരുന്നു. ആകെ അവർ പറഞ്ഞത് നമ്മൾ എങ്ങനെയാണു അങ്ങോട്ട് ആലോചനയുമായി പോകുന്നത്, അവർ ഇങ്ങോട്ട് വരട്ടെ എന്നാണ്.
ഇങ്ങോട്ട് ആലോചനയുമായി വന്നാൽ കെട്ടിച്ച് തരാമെന്നും എന്റെ വീട്ടിൽ പറഞ്ഞു. പ്രേമിന്റെ അച്ഛൻ ഈ വിവരം അറിഞ്ഞപ്പോൾ അച്ഛന് ഓക്കേ ആയിരുന്നു. എന്നാൽ അമ്മയ്ക്ക് ഓക്കെ അല്ലായിരുന്നു. ഈ ബന്ധത്തിന് സമ്മതിക്കില്ല എന്നൊക്കെയാണ് ‘അമ്മ ആദ്യം പറഞ്ഞത്. അമ്മയ്ക്ക് ടെൻഷൻ ആയിരുന്നു. ഇത് ശരിയാകുമോ എന്നൊക്കെയുള്ള പേടി ആയിരുന്നു.
സാധാരണ ഒരു വീട്ടമ്മയെ പോലെയായിരുന്നു പ്രേമിന്റെ അമ്മയും. എന്നാൽ ഞങ്ങൾ എല്ലാവരും ഒരുമിച്ചിരുന്നു കുറച്ച് സംസാരിച്ച് കഴിഞ്ഞപ്പോഴേക്കും ‘അമ്മ ഓക്കെ ആയി. അങ്ങനെ ഈ ബന്ധം വിവാഹം വരെ എത്തി എന്നുമാണ് സ്വാസിക മാധ്യമങ്ങളോട് പ്രതികരിച്ചത്.