ലൈഫ് സൈസിഡ് ഹോളോഗ്രാഫിക്ക് ഡിസ്പ്ലേ എന്ന അത്യാധുനിക ടെക്നോളജി ഇപ്പോഴിതാ കേരളത്തിലും. ഏഷ്യാനെറ്റ് ടി വി ചാനലാണ് ലുലു മാളിൽ ഈ ഹോളോഗ്രാഫിക്ക് പ്രൊജക്ഷൻ പ്രേക്ഷകരെ വിസ്മയിപ്പിക്കാൻ എത്തിച്ചത്. ഈ മാസം 26 മുതൽ ഈ സംവിധാനം ലുലുവിൽ പ്രവർത്തിക്കുന്നുണ്ട്. ഏഷ്യാനെറ്റ് സ്റ്റാർ സിംഗർ റിയാലിറ്റി ഷോയുടെ മത്സരാർഥികളുടെ പ്രകടനങ്ങൾ നേരിട്ടെന്ന പോലെ കാണാൻ ഈ നൂതന ടെക്നോളജിയിലൂടെ സാധിക്കും. ഏറെ ജനപ്രിയമായി മാറി കഴിഞ്ഞു ഇതിനോടകം തന്നെ ഹോളോഗ്രാഫിക്ക് ഡിസ്പ്ലേ.
ജൂൺ 28 നു സ്റ്റാർ സിംഗർ വിധികർത്താക്കളായ കെ എസ് ചിത്രയും വിധു പ്രതാപും ഏകദേശം ഒരു മണിക്കൂറോളം നീണ്ടു നിന്ന ഒരു ലൈവ് സെഷനിൽ ആരാധകർക്ക് മുന്നിൽ എത്തുകയും, അവരുമായി സംവദിക്കുകയും പാട്ടുപാടുകയും ചെയ്തു. 3 ഡയമെൻഷനൽ ഇമേജ് ജനറേറ്റ് ചെയ്യാൻ കഴിയുമെന്നതിനാൽ പുത്തൻ അനുഭൂതിയാണ് കാഴ്ചക്കാർക്ക് വേണ്ടി ഈ ഡിസ്പ്ലേ ഒരുക്കുന്നത്
ഏഴു അടിയോളം പൊക്കമുണ്ട് ഈ ഡിസ്പ്ലേ സിസ്റ്റത്തിനു.കൊച്ചി ലുലു മാളാണ് ഇവന്റ് പാർട്ണർ. ഉല്ലാസ നിമിഷങ്ങൾ ചിലവഴിക്കാനെത്തുന്നവർക്ക് അപ്രതീക്ഷമായ ഒരു വിസ്മയ കാഴ്ച തന്നെയാണ് ഏഷ്യാനെറ്റ് കൊച്ചി ലുലുവിൽ ഒരുക്കിയിരിക്കുന്നത്. നവീന ആശയങ്ങളെ ഇരു കൈയും നീട്ടി സ്വീകരിക്കുന്ന മലയാളികൾ കൈയടികളോടെയാണ് ഈ ദൃശ്യ കാഴ്ചയെ വരവേൽക്കുന്നത്
