മഞ്ജു വാര്യർ പ്രധാന വേഷത്തിൽ എത്തിയ കണ്ണെഴുതി പൊട്ടുംതൊട്ട് എന്ന സിനിമയെ കുറിച്ച് ആരാധകരുടെ ഗ്രൂപ്പിൽ വന്ന ഒരു പോസ്റ്റ് ആണ് പ്രേഷകരുടെ ശ്രദ്ധ നേടിയിരിക്കുന്നത്. മലയാളം മൂവീസ് ആൻഡ് മ്യൂസിക് ഡേറ്റ ബേസ് എന്ന ഗ്രൂപ്പിൽ ഷമീർ കെ എൻ എന്ന ആരാധകൻ ആണ് പോസ്റ്റ് പങ്കുവെച്ചിരിക്കുന്നത്. പോസ്റ്റിൽ പറയുന്നത് ഇങ്ങനെ, കൊയ്ത്തു കഴിഞ്ഞു അന്ന് രാത്രി പാടത്തെ കളപ്പുരയിൽ.
അന്ന് ഗന്ധർവ മുഹൂർത്തമാ. ചുവന്ന പട്ടുസാരിയും നെറ്റിയിൽ ചുവന്ന നിറത്തിലുള്ള വലിയ കുറിയും തൊട്ട് അണിഞ്ഞൊരുങ്ങി ശൃംഗാര ഭാവത്തിൽ അവൾ കാത്തിരുന്നു. ശരിക്കും ഹണി ട്രാപ്പ്. പകയുടെ പ്രതികാരത്തിന്റെ പ്രണയത്തിന്റെ ശൃംഗാരത്തിന്റെ കഥ പറഞ്ഞ സിനിമ സ്വന്തം അച്ഛനെയും അമ്മയെയും കൊന്ന ആളോട് പ്രതികാരം ചെയ്യാൻ കരുക്കൾ നീക്കുന്ന പെൺകുട്ടിയുടെ കഥ.
ഭദ്ര എന്ന നായിക വേഷത്തിൽ മഞ്ജു വാര്യർ തകർത്ത സിനിമ തിലകൻ, ബിജു മേനോൻ ഇവരുടെ പ്രകടനം കൂടി എടുത്തു പറയേണ്ടതാണ്. നടേശൻ മൊതലാളിയും അങ്ങേരുടെ തോന്യാസി ആയ മോൻ ഉത്തമനും ടി കെ രാജീവ് കുമാർ സംവിധാനം ചെയ്ത കണ്ണെഴുതി പൊട്ടുംതൊട്ട് മഞ്ജു വാര്യർക്കു നാഷണൽ അവാർഡ് സ്പെഷ്യൽ ജൂറി മെൻഷൻ കിട്ടിയ സിനിമ.
ഗാനങ്ങളും ശ്രദ്ദേയം. അബാസ്, കലാഭവൻ മണി, സിദ്ധീഖ്,കവിയൂർ രേണുക, പൂജപ്പുര രവി, മണിയൻ പിള്ള രാജു, രവി വള്ളത്തോൾ, കുഞ്ചൻ, കണ്ണൂർ ശ്രീലത, കനകലത, ഭാഗ്യശ്രീ തുടങ്ങിയവരും ശ്രദ്ധേയ വേഷങ്ങളിൽ എന്നുമാണ് പോസ്റ്റിൽ പറയുന്നത്. നിരവധി കമെന്റുകളാണ് പോസ്റ്റിന് വരുന്നത്. മഞ്ജു വാര്യർ എന്ന ‘പ്രതിഭ’യുടെ അവസാനത്തെ സിനിമ. ഈ സിനിമയിലെ മഞ്ജുവാര്യരുടെ അഭിനയം ആണ് കാണാൻ ഏറെ ഇഷ്ടം.
പക്ഷെ ഇപ്പോൾ ഉള്ള സിനിമയിൽ ഉള്ള പ്രകടനം. എന്തിനോ, ആർക്കോ വേണ്ടി നിർബന്ധിച്ചു ചെയ്യും പോലെ. തിരിച്ചു വരവിൽ ഏറെ ഇഷ്ടം ആയത് ഹൌ ഓൾഡ് ആർ യൂ വിലെ നിരുപമ യും, ഉദാഹരണം സുജാത യിലെ സുജാത യും മാത്രം, അതവരുടെ മാത്രം കുറ്റമല്ല, തിരിച്ചു വരവിൽ അവർക്ക് ചേർന്ന കഥാപാത്രങ്ങൾ സൃഷ്ടിക്കാൻ കെല്പുള്ള എഴുത്തുകാരും സംവിധായകരും നന്നേ കുറവായിപോയി എന്നതും ഒരു വസ്തുതയാണ് തുടങ്ങി നിരവധി കമെന്റുകളാണ് പോസ്റ്റിന് വരുന്നത്.